Woansdei 17 april kamen sa'n 27 frijwilligers by de jiergearkomste.
Foarsitter Eke Schouwstra hat alle oanwêzigen wolkom hjitten.
Nei de gewoane saaklike meidielings wurde in pear bestjoersleden en in koördinator ôfskied naam.
Wim Eikenaar giet fuort as koördinator fan it projekt Friendly Home Visit. Hy krijt foar syn ynset in boekebon fan Eke. Wim sil noch as frijwilliger ferbûn wêze mei UVV. Wy binne tige bliid dat Hanne Sikkema him opfolgje wol.
Wim Eikenaar hâldt op as koördinator
Eke Schouwstra, Grytsje van den Bosch en Minke Smeding stappe út it bestjoer. Minke is herkiesber. Foar Eke is in nije foarsitter fûn. Dit is Jeltsje de Boer. As bestjoer binne wy hjir tige bliid mei. Wy sykje noch in ferfanger foar Grytsje.
Jeltsje stelt har foar oan de oanwêzigen. De gearkomste hat de (wer)beneaming fan Minke en Jeltsje goedkard.
Eke Schouwstra nimt ôfskie 
Grytsje van den Bosch nimt ôfskie
Dit jier is der in jubileum dy't al 30 jier aktyf is binnen UVV. Djoke Oostenburg wie al warber yn Nij Friesmahiem en no is se noch frijwilliger yn in wenkeamer yn Friesma State. Se wurdt betanke en krijt in prachtich boeket fan Eke.
Nei it skoft fertelt learaar LO Iteke de Groot oan de hân fan dia's oer har karriêre en benammen oer har perioade yn Grou. Spitigernôch hâldt se nei dit seizoen op, dêr wurdt yn de lêste les yn maaie omtinken foar jûn.
Hjirnei waard de gearkomste gelokkich ôfsletten mei in optreden fan it UVV-koar HjerstMeldij, ûnder lieding fan Mea Stelma en ûnder begelieding fan Fokje Mendel op akkordeon.
It koar Hjerstmeldij
